Мал шаруашылығы ауыл шаруашылығының негізгі салаларының бірі болып табылады, ол халықты сапалы мал өнімдерімен қамтамасыз етуде маңызды рөл атқарады.

Осы саланы дамыту мақсатында республикалық бюджеттен 20 млрд теңге көлемінде қомақты қаржы бөлінді. Бюджеттік инвестициялар фермерлердің жем-шөп дайындау техникасын жеңілдікті шарттармен сатып алуына бағытталған.

 «ҚазАгроҚаржы» АҚ 2023 жылғы 26 маусымнан бастап  «ӨЗ ЖЕМ-ШӨБІМІЗ»  бағдарламасы бойынша өтінімдерді қабылдауды бастады.

 «ӨЗ ЖЕМ-ШӨБІМІЗ» бағдарламасының негізгі мақсаттары

1. Азық-түлік базасының қажеттілігін қамтамасыз ету: мал шаруашылығының негізгі міндеттерінің бірі – сапалы жемшөп ресурстарына тұрақты қолжетімділікті қамтамасыз ету. «ӨЗ ЖЕМ-ШӨБІМІЗ» бағдарламасы мал азығын жинауға қажетті техникалар паркін жаңартуға бағытталған.
2. Өнімділікті арттыру: рациондарды оңтайландыру және жоғары сапалы жеммен қамтамасыз ету ауыл шаруашылығы жануарларының өнімділігін арттырады. Бұл сүт, ет және мал шаруашылығы өнімдерінің басқа да түрлерін өндіру көлемінің ұлғаюына алып келеді бұл өз кезегінде саланың дамуына қолдау көрсетіп және елдегі азық-түліктің қауіпсіздігін арттырады.
3. Импортқа тәуелділікті қысқарту: тұрақты жем-шөп базасын құру және өнімділікті арттыру елдің жалпы тұтыну көлеміндегі тиісті ауыл шаруашылығы өнімдерінің импорт үлесінің төмендеуіне оң әсер етеді.
4. Ауылды жұмыспен қамтудың өсуі: мал шаруашылығын дамыту ауылдық жерлерде жаңа жұмыс орындарын құруды және ауыл халқының өмір сүру деңгейін жақсартуды ынталандырады.

«ӨЗ ЖЕМ-ШӨБІМІЗ» бағдарламасы жемшөп дайындайтын кәсіпорындарды заманауи ауыл шаруашылығы техникасымен жаңартуға және қамтамасыз етуге бағытталған. Жеңілдетілген бағдарламаны іске асырудың бірінші айында фермерлерден 7 млрд теңге сомасына 429 өтінім түсті.

Бағдарламаның негізгі шарттары-жылдық 6% мөлшерлеме, 10 жылға дейінгі мерзім, қамтамасыз ету талап етілмейді.

«ӨЗ ЖЕМ-ШӨБІМІЗ» бағдарламасы Қазақстанда мал шаруашылығын дамытудың жаңа перспективаларын ашады.

Саланы жем-шөп базасымен қамтамасыз ету және ауыл шаруашылығы жануарларының өнімділігін арттыру саланың тұрақты өсуіне, экономиканың дамуына және еліміздің әлемдік нарықтағы ұстанымының нығаюына ықпал етеді.