«ҚазАгроҚаржы» АҚ тұрақсыздық айыбын есептен шығару бойынша акцияның басталғаны туралы хабарлайды

ҚазАгроҚаржы ақшалай міндеттемелерді уақтылы орындамағаны үшін тұрақсыздық айыбын толық көлемде есептен шығару жөніндегі акцияның басталғаны туралы хабарлайды.

Акцияға қатысу шарттары:

1. Қолайсыз табиғи жағдайларға байланысты ақшалай міндеттемелерді орындау бойынша мерзімін өткізіп алған және 2023 жылғы 01 шілдеден бастап қаржыландыру шарттары бойынша төлемдерді қайта құрылымдауды/ұзартуды алған клиенттерге – 2023 жылғы 1 шілдеден бастап 2023 жылғы 10 желтоқсанға дейінгі кезеңде есептелген тұрақсыздық айыбы есептен шығарылады.

2. Негізгі борыш және/немесе сыйақы бойынша мерзімі өткен міндеттемелері бар клиенттер 2023 жылғы 10 желтоқсанға дейін оларды толық өтеген жағдайда – 2023 жылғы 10 желтоқсанды қоса алғанда есептелген тұрақсыздық айыбы есептен шығарылады.

Акцияға қатысу үшін клиенттер жазбаша өтініш беруі керек.

Толық ақпарат алу үшін ҚазАгроҚаржы өңірлік филиалдарына хабарласуға болады.