«ҚазАгро» ұлттық басқарушы холдингі» АҚ Басқармасының 2015 жылғы 10 қыркүйектегі № 59 шешімі
«ҚазАгро» ұлттық басқарушы холдингі» АҚ Басқармасының 2015 жылғы 10 қыркүйектегі № 59 шешімімен (Жалғыз акционердің шешімі): «Акционерлік қоғамдар туралы» Қазақстан Республикасы Заңының 36-бабы 1 тармағы 5) тармақшасына, «Мемлекеттік мүлік туралы» Қазақстан Республикасы Заңының 181-бабы 5 тармағына, «ҚазАгро» холдингі» АҚ Жарғысының 153 тармағының 7) тармақшасына және «ҚазАгроҚаржы» АҚ Жарғысының 17 тармағының 9) тармақшасына сәйкес, Басқарма ШЕШТІ:
1. «ҚазАгроҚаржы» АҚ Басқарма Төрағасы Избастин Қаныш Теміртайұлы «ҚазАгроҚаржы» АҚ Директорлар кеңесінің құрамына сайлансын;
2. «ҚазАгроҚаржы» АҚ Директорлар кеңесінің мүшесі ретінде Қ.Т. Избастинның өкілдік мерзімі осы шешім қабылданған күннен бастап, «ҚазАгроҚаржы» АҚ Жалғыз акционерінің шешімімен – «ҚазАгро» холдингі» АҚ Басқармасының 2015 жылғы 17 маусымдағы № 37 шешімімен белгіленген, жалпы, Директорлар кеңесінің өкілдік мерзімі аяқталғанға дейін саналсын;
3. «ҚазАгро» холдингі» АҚ Басқармасының осы шешімі «ҚазАгроҚаржы» АҚ Жалғыз акционерінің шешімі болып саналсын.