Өткен аптада Санкт-Петербургте ресейлік және қазақстандық өндірушілер, сондай-ақ «ҚазАгроҚаржы» АҚ арасында үшжақты келісімге қол қойылды. «КИРОВЕЦ» тракторларын арнайы бағамен сатудың басталуы 2025 жылғы егіс науқаны қарсаңында басталады.

«ҚазАгроҚаржы» АҚ, Петербург трактор зауыты және Қостанай трактор зауыты арнайы бағамен 200 бірлік машина жиынтығын жеткізу туралы үшжақты келісім жасасты.

«Біз егіс және егін жинау кезеңінде сапалы және сенімді көліктің қаншалықты маңызды екенін түсінеміз, сондықтан клиенттерге тиімді шарттар бойынша 5 жылдан 10 жылға дейінгі мерзімге лизингке айтарлықтай жеңілдікпен лизингке тракторларды  сатып алуды ұсынуға дайынбыз. Бұл фермерлер үшін келесі егіске алдын ала дайындалудың тамаша мүмкіндігі», - деді «ҚазАгроҚаржы» АҚ Басқарма төрағасының орынбасары Айдос СЕЙІТЖАНОВ.

2025 жылғы егіс науқанына дейін фермерлер арнайы бағамен сатып ала алатын екі жүз трактор шығарылады. Бұл ұсыныс тек қазақстандық ауыл шаруашылығы тауарын өндірушілер үшін ғана қолданылатын болады.

«Бұл шешім соңғы маусымдағы барлық қиындықтар мен кәсіпорындардағы экономикалық тұрақсыздықты ескере отырып, қазақстандық фермерлерді қолдау мақсатында қабылданды. Климат өзгеруде. Егіс және егін жинау науқандары оңтайлы мерзімдерге жету үшін нағыз ізденіске айналады. Салдары көрсеткендей, тек тракторлар мен комбайндардың қосымша агрегаттарымен жарақтандыру ғана мұны жүзеге асыруға мүмкіндік береді. Сондықтан келесі егіс науқанына серіктестерімізбен бірлесе отырып, осы ұсынысты әзірледік. Фермер сатып алған трактор құнының 10% дейін пайда көреді. «ҚазАгроҚаржы» АҚ-ның жыл сайынғы қолдауының арқасында біз осындай жобаларды бірлесіп жүзеге асыра аламыз, бұл түптеп келгенде біздің басты міндетіміз – шаруаларды қолжетімді әрі сенімді техникамен қамтамасыз етуімізге оң әсерін тигізуде», – дейді Қостанай трактор зауытының директоры Динара ШҮКІЖАНОВА.

Айта кетейік, Қостанай трактор зауыты 2019 жылы құрылған Қазақстандағы КИРОВЕЦ энергиямен қаныққан тракторларының ресми өндірушісі болып табылады. Кәсіпорында К-730, К-735, К-739, К-742, К-743, К-746 тракторларының ең сұранысқа ие модельдерінің өндірісі ұйымдастырылды.

Бүгінгі таңда КИРОВЕЦ Қазақстандағы ең көп сатылатын трактор болып табылады, ол әрбір екінші шаруашылықта бар. Жыл сайын зауыт кем дегенде 300 дана трактор шығарады, ал осы маусымда тракторлар WEICHAI қозғалтқышымен жабдықталған.

«ҚазАгроҚаржы» акционерлік қоғамы «Бәйтерек» ұлттық басқарушы Холдингі» АҚ компаниялар тобына кіреді. Ауыл шаруашылығы техникасын сатып алу үшін ауыл шаруашылығы тауарын өндірушілерге лизингтік қызметтер көрсететін ірі қаржы институты. Компания 24 жылдан астам уақыттан бері еліміздің аграрлық секторында техникалық жарақтандыруды дамыту аясында қызмет етіп келеді.