2022 жылғы 17 тамызда «ҚазАгроҚаржы» АҚ Қостанай облысы бойынша филиалы Жеңілдікті лизинг бағдарламасы бойынша сатып алынған ауыл шаруашылығы техникасын алғаш рет бермекші. Техниканың беру рәсімі сағат 11.00-де мына мекенжай бойынша өтеді: Қостанай қ., Өнеркәсіптік көшесі 41, «АгромашХолдинг KZ» АҚ Оқшаулау орталығы.

«Жасыл-Даму» АҚ (оператор ӨКЖ) қаражаты есебінен отандық өндірістің ауыл шаруашылығы техникасының жеңілдікті лизингі бағдарламасына қатысуға өтінімдерді қабылдау 2022 жылғы 5 тамызда басталды. Жеңілдікті лизинг бағдарламасын іске асыру үшін отандық өндірістің өздігінен жүретін ауыл шаруашылығы техникасының мыңға жуық бірлігін сатып алуға 40 млрд теңге бөлінеді.

Бағдарлама талаптары:

1. лизинг мерзімі – 10 жылға дейін;
2. сыйақы мөлшерлемесі – жылдық 6%;
3. лизинг бойынша бастапқы жарна (аванс) – 0%;
4. негізгі борышты қайтару бойынша жеңілдікті кезең – 1 жыл.

Бастапқы жарна салу және кепіл беру қажеттілігінің болмауы ұсақ және орта ауыл шаруашылығы құрылымдарына егін жинау жұмыстарын бастау үшін техника паркін жеңілдікті талаптарда жаңартуға мүмкіндік береді. Бұдан басқа, «ҚазАгроҚаржы» АҚ-да скоринг жүйесін енгізудің арқасында өтінімдер қысқа мерзімде қаралады және 5 күннен аспайды.

Бағдарламаның қолжетімді талаптары отандық өндірістің техникасына үлкен сұраныс тудырды. Бүгінгі таңда «ҚазАгроҚаржы» АҚ-на Қазақстанның 13 өңіріндегі ауыл шаруашылығы тауарын өндірушілерден отандық өндірістің 179 тракторы мен 74 комбайнын сатып алуға 14,6 млрд теңге сомасына 181 өтінім келіп түсті.