23 тамыздағы жағдай бойынша «ҚазАгроҚаржы» компаниясы   («Бәйтерек» холдингінің еншілес ұйымы) шаруалардан ауыл шаруашылығы техникасын сатып алуды қаржыландыруға  162 млрд теңгеге өтінім қабылдады . Оның ішінде 120,4 млрд теңгеге 6 301  бірлік техниканы  сатып алу  қаржыландырылды . Бұл туралы CAF баспасөз қызметі хабарлады.

Көрсетілген қолдаудың тиімділігін бағалау үшін «ҚазАгроҚаржы» Солтүстік Қазақстан облысында пресс-тур ұйымдастырды. Атап айтқанда, 2008 жылдан бері «ASTYK-STEM» ЖШС компаниялар тобы ҚАФ облыстық филиалымен бірлесе жұмыс істеп келеді. Соңғы бірнеше жылда компания  1 776 миллион теңгеге құрал-жабдық сатып алды . 

«2021 жылы «ҚазАгроҚаржы» АҚ-мен жалпы сомасы  640 млн теңгеге лизингтік келісімдер жасалды , оның ішінде суару техникасы – жаңбырлатқыш қондырғылар биылғы жылы республиканың көптеген өңірлерінде қатты аптап ыстық жағдайында өзекті болды», - деп хабарлады «ҚазАгроҚаржы» АҚ.

2002 жылы ұйымдастырылған «АСТЫҚ-СТЕМ» серіктестігі  9829 гектар  егістік алқапты өңдеп, дәнді, майлы және мал азықтық дақылдарды өсіруде. Серіктестік сүтті мал шаруашылығын да дамытуда: шаруашылықта  500  бас асыл тұқымды ірі қара бар.

Шаруашылық көкөніс өсіруге де үлкен көңіл бөледі. Кәсіпорын «ҚазАгроҚаржы» компаниясының көмегімен картоп пен сәбізден жақсы өнім алу үшін тамшылатып суару қондырғылары мен жаңбырлатқыштар сатып алды. Мұндай технологияларды енгізу   гектарына 100 тоннаға дейін сәбіз өндіруге мүмкіндік береді.

Солтүстік Қазақстан облысының ауыл шаруашылығы басқармасының мәліметі бойынша, облыстағы дәнді дақылдардың жалпы көлемі  2994 мың гектарды құрайды . 5 қыркүйектегі жағдай бойынша  1 млн 829 мың гектар  немесе  61,1 пайызы бастырылды .

Дереккөз:  ElDala.kz