Жалпы ақпарат

«ҚазАгроҚаржы» АҚ бұл Қазақстанның АӨК дамытуға қолдау жасау мақсатында 20 жыл бойы қызметін жүзеге асырып келе жатқан лизингтік компания. Бүгінгі таңда Қоғам 68% үлесті алып отырған  лизингтік қызметтер нарығындағы көшбасшы болып табылады (РА сарапшысы бойынша). Қоғамның несие қоржынында 7 мыңнан астам клиент бар.

2000-2019 жылдар кезеңінде" ҚазАгроҚаржы " АҚ АӨК-ні дамытуға және қолдауға 798,1 млрд. теңге бағытталды. Біз барлығы 48,9 мыңнан астам ауыл шаруашылығы техникасы мен жабдықтарын сатып алуды қаржыландырдық. Сонымен бірге, Қоғамның кең өңірлік желісі және бүкіл Қазақстан бойынша 15 филиалы бар.

«ҚазАгроҚаржы» АҚ жетекші әлемдік компания - Ernst&Young аудитінен өтуде, сондай-ақ беделді агенттіктердің халықаралық рейтингтеріне ие. Оң қаржылық нәтижелері мен позитивтік имиджі ҚазАгроҚаржыға FitchRatings сияқты беделді агенттіктің жоғары халықаралық рейтингін алуға мүмкіндік береді.

2020 жылғы 02 сәуірде «FitchRatings» халықаралық рейтинг агенттігі «ҚазАгроҚаржы» АҚ-ның шетелдік және ұлттық валютадағы ұзақ мерзімді эмитент дефолтының рейтингтерін (ЭДР) ВВ+ «Тұрақты» болжам деңгейінде растады.

Қазақстанның бүгінгі қоғамдық-саяси тұрақтылығы елдегі қолайлы инвестициялық ахуалдың негізіне айналды. 

Мынадай жағдайлар жасалған:

  • жабдық, құрамдас бөлшектер, шикізат пен қосалқы бөлшектер әкелу кезінде кеден баждарын төлеуден босату (Ресейде аталмыш тауарларға арналған кеден мөлшерлемелері кедендік құнның 5%-нан  15% дейінгісін құрайды); 
  • мемлекеттік заттай гранттар: жер телімдері, ғимараттар, құрылыстар, машиналар мен жабдықтар, есептеу техникасы, өлшеуіш және реттеуші аспаптар мен қондырғылар, көлік құралдары; 
  • инвестициялық стратегиялық жобалар үшін 7 жылға дейін салық жеңілдіктері (жер салығы 0%, мүлік салығы 0%);
  • әлеуметтік-экономикалық даму деңгейі төмен аймақтардағы инвестициялық стратегиялық жобаларға арналған өнеркәсіптік жеңілдіктер. 

Аталмыш инвестициялық артықшылықтар, жылыжайлар құрылысын қоспағанда, ауыл шаруашылығының тек басым қызмет түрлеріндегі жобаларды іске асыру кезінде ғана беріледі. 

Оның үстіне, қол қойылған үш елдің – Қазақстан, Ресей мен Беларусияның Еуразиялық Экономикалық Одағын құру туралы шарт одақтың қатысушы елдерінің аумағында бажсыз сауданы қамтамасыз етеді, осылайша нарық шекарасын едәуір кеңейтеді.  Сонымен қатар, қазір біз еліміздің барлық аймақтарында орналасқан еркін экономикалық аймақтардың аумағында өндірістер құру мүмкіндігіне иеміз. ЕЭА маңызды ерекшеліктері жеңілдікпен салық салу, сондай-ақ бүкіл қажетті инфрақұрылыммен мемлекеттік қамтамасыз ету мүмкіндіктері болып табылады (жер телімдерін беру, коммуникациялар жүргізу және т.б.). 

«ҚазАгроҚаржы» АҚ өткен жылғы 8 млрд. теңге мөлшерінде 5-жылдық теңгелік облигацияларды шығару және орналастыру бойынша мәмілесін EMEA Finance «Еуропада, Таяу және Орта Шығыста әрі Африкада Облигациялардың Ұлттық Валютадағы Үздік Шығарылымы» санатында жеңімпаз деп таныған (“Best local currency bond in EMEA”).