1. Үміткер директорлар кеңесіне тәуелсіз директор болып сайлану үшін:

1.1. Қазақстан Республикасының «Акционерлік қоғамдар туралы» Заңына сәйкес тәуелсіз директордың анықтамасына сәйкес келуі тиіс.

1.2. Қоғам қызметіне сипаты мен көлемі жағынан ұқсас ұйымға тән негізгі мәселелер жөнінде жалпы ақпаратты білуі тиіс, осыған дейін ұқсас салада/секторда халықаралық тәжірибесі және кемінде 2 жыл кәсіби тәжірибесі болуы тиіс, сондай-ақ:

1) Қоғамға қатысты заңнама талаптарын;

2) ұлттық және халықаралық нарықтардағы бәсекелес ортаны түсінетінін көрсетуі тиіс.

1.3. Ұсынылған ақпаратты талдап, жан-жақты бағалай білуі тиіс және заңдылық, әділеттілік пен барлық акционерлерге бірдей қарым-қатынас қағидаттары негізінде тиісті мәселе бойынша тәуелсіз ұстаным ұсынуы тиіс. Өз пікірін білдіріп, көзқарасын дәйекті қорғай білу қабілеті болуы тиіс.

1.4. Корпоративтік басқару және тұрақты даму қағидаттарын білуі тиіс.

1.5. Іскерлік және (немесе) салалық ортада мінсіз беделі/оң жетістіктері болуы тиіс. Үміткердің өмірбаянында экономикалық қызмет саласында қылмыс жасау, сондай-ақ кәсіпкерлік қызметте әкімшілік құқық бұзушылық фактілері болмауы тиіс.

1.6. Директорлар кеңесінің жұмысына қатысу, Директорлар кеңесінің отырыстарына қатысу және одан тыс уақытта Директорлар кеңесінің отырыстарына арналған материалдарды тиісінше зерделеу үшін жеткілікті уақыты болуы тиіс.

1.7. 3 (үштен) көп басқа компанияның Директорлар кеңесінің мүшесі болмауы тиіс.

1.8. Жыл сайын тәуелсіздігін растау рәсімінен өтуі тиіс және тәуелсіз директор мәртебесін жоғалтқан жағдайда компанияны хабардар етуі қажет.

Директорлар кеңесіне:

1) Қоғаммен бәсекелес заңды тұлғаның қатысушысы, атқарушы органының басшысы, басқару органының мүшесі немесе қызметкері болып табылатын тұлға;

2) бұрын сыбайлас жемқорлық қылмыс жасаған;

3) Қазақстан Республикасының заңнамасында белгіленген тәртіппен өтелмеген немесе алынбаған соттылығы бар;

4) белгіленген тәртіппен банкрот деп танылған басқа заңды тұлғаны мәжбүрлеп тарату немесе акцияларын мәжбүрлеп сатып алу немесе консервациялау туралы шешім қабылданғанға дейін бір жылдан аспайтын кезеңде басқа заңды тұлғаның директорлар кеңесінің төрағасы, атқарушы органының бірінші басшысы, бірінші басшының орынбасары, бас бухгалтері болған адам сайлана алмайды. Бұл талап белгіленген тәртіппен банкрот деп танылған басқа заңды тұлғаны мәжбүрлеп тарату немесе акцияларын мәжбүрлеп сатып алу немесе консервациялау туралы шешім қабылданған күннен кейін бес жыл бойы қолданылады;

5) төрт және одан да көп компаниялардың директорлар кеңесінің мүшесі болып табылатын адам сайлана алмайды.

• Жалдау нысаны: шарт

Тәуелсіз директор лауазымына арналған конкурсқа қатысуға ниет білдірген үміткерлер 2024 жылғы 26 сәуіріне дейін (қоса алғанда) Kobaydarov.M@agrocredit.kz электронды поштасына жолдау арқылы мына құжаттарды ұсынады:

1) қоса берілген үлгіге сәйкес конкурстық іріктеуге қатысу туралы үміткердің өтініші;

2) үміткердің жеке басын куәландыратын құжаттың көшірмесі;

3) қоса берілген нысанға сәйкес үміткер туралы мәлімет.

1. Қаржы ұйымдары болып табылатын ЕҰ-ның тәуелсіз директорлары лауазымына үміткерлерге қойылатын арнайы талаптар.

Қаржы ұйымы болып табылатын Қоғамның тәуелсіз директорлары лауазымына үміткерлер Қазақстан Республикасының Қаржы нарығын реттеу және дамыту агенттігі Басқармасының 2020 жылғы 30 наурыздағы № 43 қаулысына сәйкес келуі тиіс.

2. Қаржы, аудит және бақылау саласындағы тәуелсіз директор-маман лауазымына үміткерлерге қойылатын арнайы талаптар.

Экономика және (немесе) қаржы саласындағы жоғары білім, қаржылық менеджмент/қаржылық анализ/бухгалтерлік есеп/салық салу/аудит/тәуекел менеджменті саласындағы қосымша білім/кәсіби сертификатталуы.

Мамандығы бойынша еңбек өтілі 7 жылдан кем болмауы тиіс.

Қаржы ұйымдарының басқару органдарында немесе атқарушы органдарында/холдинг құрылымдарында/мемлекеттік органдарда/халықаралық қаржы ұйымдарында/қаржы қызметтерін реттеу саласында кемінде 3 жыл жұмыс тәжірибесі және (немесе) қаржы аудитін жүргізу/комплаенс менеджменті бойынша қызмет көрсететін ұйымдарда басшы/әріптес ретінде/басқару органдарында/атқарушы органдарда жұмыс тәжірибесі болуы тиіс.

3. Сыйақылар/әлеуметтік мәселелер/корпоративтік мәдениет саласындағы тәуелсіз директор-маман лауазымына үміткерлерге қойылатын арнайы талаптар.

Жоғары білім және (немесе) «Іскерлік әкімшілендіру магистрі»/«Философия докторы» дәрежесі және (немесе) басқару (менеджмент) саласындағы қосымша білімі, персоналды басқару/әлеуметтік даму теориясы саласында білімі болуы тиіс.

Холдинг құрылымдарындағы/ұлттық компаниялардағы басқару органдарында немесе атқарушы органдарында кемінде 3 жыл жұмыс тәжірибесі және (немесе) басқару органдарында/атқарушы органдарда және (немесе) бизнес немесе HR консалтинг саласында маманданатын компанияларда басшы/әріптес ретінде жұмыс тәжірибесі және (немесе) жылдық айналымы кемінде 20 млн. АҚШ доллары болатын қазақстандық және халықаралық компанияларда HR-директор/HR/заңгерлік сараптама/корпоративтік жанжалдарды реттеу мәселелері жөніндегі құрылымдық бөлімшеге жетекшілік ететін басшы ретінде жұмыс тәжірибесі болуы тиіс.

Басшылық лауазымдарда/басқару буынының жоғары және орта деңгейдегі персоналымен жұмыс саласында кемінде 5 жыл жұмыс тәжірибесі болуы тиіс.

4. Инвестицияларды басқару саласындағы тәуелсіз директор-маман лауазымына үміткерлерге қойылатын арнайы талаптар.

Қаржы, корпоративтік қаржы, инвестициялар, инвестициялық менеджмент немесе инвестициялық талдау саласындағы жоғары білім, бухгалтерлік есеп/тәуекел менеджменті/ қаржы саласындағы қосымша білім/кәсіби сертификатталуы.

Инвестициялық жобалардың тиімділігін бағалау, бағалы қағаздар портфелін басқару қағидаттары, инвестицияларды бағалау әдістері, қаржылық есепке алу және есептілік стандарттары саласындағы білім.

Инвестициялық қызмет саласында мамандығы бойынша жұмыс өтілі кемінде 7 жыл болуы тиіс.

Басқару органдарында/атқарушы органдарда/қаржы ұйымдарында/холдинг құрылымдарында/мемлекеттік органдарда/халықаралық даму банктерінде/халықаралық қаржы/сақтандыру компанияларында/инвестициялық қызметті жүзеге асыратын/компанияларды қор нарығына шығаратын, жылдық айналымы кемінде 20 млн. АҚШ доллары болатын халықаралық және (немесе) қазақстандық компанияларда басшылық лауазымдарда (құрылымдық бөлімшелерді үйлестіруді жүзеге асыратын және қаржы операцияларын жүргізуге негіз болатын құжаттарға қол қою құқығына ие лауазымдарда) кемінде 3 жыл жұмыс тәжірибесі болуы тиіс.

5. Инновацияларды дамыту саласындағы тәуелсіз директор-маман лауазымына үміткерлерге қойылатын арнайы талаптар.

Жоғары техникалық/экономикалық/қаржылық білім және (немесе) менеджмент саласындағы жоғары білім, инновациялық менеджмент саласындағы қосымша дайындық.

Жалпы еңбек өтілі кемінде 7 жыл. Инновациялық менеджмент саласында басшылық лауазымдарда/сарапшы ретінде жұмыс тәжірибесі кемінде 3 жыл.

Инновацияларды дамыту және енгізу тиімділігін бағалау саласын білуі және осы салада практикалық тәжірибесінің болуы, ғылыми-зерттеу қызметін ұйымдастыру және қаржыландыру қағидаттарын білуі тиіс.

Инновациялық жобаларды басқару, жаңа идеяларды іске асыру, іс жүзінде жүзеге асыруға бастама білдіру және оны өміршең пайдалы өнімге айналдыру тәжірибесі және (немесе) жоғары технологиялар негізінде ерекше қасиеттері бар тұтыну тауарларын жасап шығарғанға дейін жаңа өнімдерді әзірлеу бойынша тәжірибесі болуы тиіс.

Нарық қажеттілігін анықтау және бағалау үшін Қазақстан Республикасының басым/базалық салалары нарығында, сондай-ақ инновациялық өнім нарығында қалыптасқан жағдайды білуі тиіс.

6. Кәсіпкерлікті дамыту саласындағы тәуелсіз директор-маман лауазымына үміткерлерге қойылатын арнайы талаптар.

Жоғары білім, менеджмент/қаржы/құқық саласында қосымша білім.

Қазақстан Республикасының кәсіпкерлік саласындағы заңнамасын білу.

Жалпы еңбек өтілі кемінде 7 жыл. Басшылық лауазымдардағы, орта бизнес ұйымдарындағы жұмыс өтілі кемінде 3 жыл.

Бәсекеге қабілетті өнімдер шығаратын және (немесе) сапалы және сұранысқа ие қызметтер ұсынатын, нарықта кемінде 5 жыл жұмыс істеген табысты компанияны (орта бизнесті) басынан бастап құру/жүргізу (меншік иесі/әріптес/басқарушы немесе атқарушы органның мүшесі/бірінші басшы ретінде) тәжірибесі болуы тиіс.

Сертификаттардың болуына қойылатын талаптар:

• «Сертификатталған директор» директордың кәсіби сертификаттының болуы

Міндеттерді орындау үшін қажетті жеке-іскерлік құзыреттер:

1. Мотивация («жұмысқа барынша берілу» ішкі құндылығы және волонтерлыққа дайын болу)

2. Қоғам қызметі шеңберіндегі кәсіби құзыреттілік

3. Негізгі құзыреттер: әдептілік, командада жұмыс істеу, жауапкершілік, стратегиялық болжам жасау, белсенді қатысу